|
|
|
Sri Varahi Kavacham
asya śrīvārāhīkavacasya trilōcana r̥ṣiḥ, anuṣṭup chandaḥ, śrīvārāhī dēvatā, ōṁ bījaṁ, glauṁ śaktiḥ, svāhēti kīlakaṁ, mama sarvaśatrunāśanārthē japē viniyōgaḥ ||
dhyānam |
dhyātvēndranīlavarṇābhāṁ candrasūryāgnilōcanām |
vidhiviṣṇuharēndrādi mātr̥bhairavasēvitām || 1 ||
jvalanmaṇigaṇaprōktamakuṭāmāvilambitām |
astraśastrāṇi sarvāṇi tattatkāryōcitāni ca || 2 ||
ētaiḥ samastairvividhaṁ bibhratīṁ musalaṁ halam |
pātvā hiṁsrān hi kavacaṁ bhuktimuktiphalapradam || 3 ||
paṭhēttrisandhyaṁ rakṣārthaṁ ghōraśatrunivr̥ttidam |
vārtālī mē śiraḥ pātu ghōrāhī phālamuttamam || 4 ||
nētrē varāhavadanā pātu karṇau tathāñjanī |
ghrāṇaṁ mē rundhinī pātu mukhaṁ mē pātu jambhinī || 5 ||
pātu mē mōhinī jihvāṁ stambhinī kaṇṭhamādarāt |
skandhau mē pañcamī pātu bhujau mahiṣavāhanā || 6 ||
siṁhārūḍhā karau pātu kucau kr̥ṣṇamr̥gāñcitā |
nābhiṁ ca śaṅkhinī pātu pr̥ṣṭhadēśē tu cakriṇi || 7 ||
khaḍgaṁ pātu ca kaṭyāṁ mē mēḍhraṁ pātu ca khēdinī |
gudaṁ mē krōdhinī pātu jaghanaṁ stambhinī tathā || 8 ||
caṇḍōccaṇḍaścōruyugmaṁ jānunī śatrumardinī |
jaṅghādvayaṁ bhadrakālī mahākālī ca gulphayōḥ || 9 ||
pādādyaṅguliparyantaṁ pātu cōnmattabhairavī |
sarvāṅgaṁ mē sadā pātu kālasaṅkarṣaṇī tathā || 10 ||
yuktāyuktasthitaṁ nityaṁ sarvapāpātpramucyatē |
sarvē samarthya samyuktaṁ bhaktarakṣaṇatatparam || 11 ||
samastadēvatā sarvaṁ savyaṁ viṣṇōḥ purārdhanē |
sarvaśatruvināśāya śūlinā nirmitaṁ purā || 12 ||
sarvabhaktajanāśritya sarvavidvēṣasaṁhatiḥ |
vārāhī kavacaṁ nityaṁ trisandhyaṁ yaḥ paṭhēnnaraḥ || 13 ||
tathā vidhaṁ bhūtagaṇā na spr̥śanti kadācana |
āpadaḥ śatrucōrādi grahadōṣāśca sambhavāḥ || 14 ||
mātā putraṁ yathā vatsaṁ dhēnuḥ pakṣmēva lōcanam |
tathāṅgamēva vārāhī rakṣā rakṣāti sarvadā || 15 ||
iti śrīrudrayāmalatantrē śrī vārāhī kavacam |
|
|
